Andiany izay nisafidy ny anarana « VEHIVAVY MIEZAKA ». Nahitana vehivavy miisa 19 nahavita ny fiofanana nandritran’ny roa volana mahery kely. Folo amin’izy ireo no novatsiana fitaovana mba hahafahany hatrany manomboka ny tetekisany.

Tonga nanome voninahitra ny lanonana androany ny solotenam-panjakana sy avy amin’ireo mpiara-miombon’antoka ato amin’ny Ivon-toerana fanofanana vehivavy mendrika sy mahaleotena.

Natomboka tamin’ny lanonam-pivavahana ny fotoana, notohizana tamin’ny fifandimbiasam-pitenenana sy ny fizarana ny mari-pahalalana ho an’ireo mpiofana ary nofaranana tamin’ny fiarahana manala hetaheta.